Չի կարելի թույլ տալ պետությունների եւ խունտաների անպատժելիությունը, որտեղ խախտվել են փոքրամասնությունների իրավունքները։ Այդ մասին իսպանական El Pais թերթին տված հարցարզրույցում ասել է Համաշխարհային հայկական ազգային խորհրդի անդամ, արգենտինահայ Մարիո Նալպատյանը՝ Ցեղասպանությունը վերապրածների թոռն ու որդին։
«Աշխարհը հասկացել է, նոր ցեղասպանությունները կանխելու համար անհրաժեշտ է դատապարտել մարդկության դեմ հանցագործությունները»,- նշել է նա։
Ըստ Նալպատյանի, Հռոմի պապը, բացի կաթոլիկ եկեղեցու առաջնորդի իր առաքելությունից, նաեւ պետության ղեկավար է, որը կարծիք է հայտնել՝ հիմնված պատմական փաստերի վրա այդ թվում՝ Վատիկանի արխիվներում պահվող։