Արմավիրի մարզի Արեւաշատ գյուղում այսօր՝ ապրիլի 24-ին, սարսափելի դեպք է եղել, 55-ամյա Ն. Ս.-ն հյուրընկալվել էր հորեղբոր աղջկա տանը եւ ինքնասպանություն գործել հենց տան պատշգամբում։ Այս մասին NEWS.am-ի թղթակցի հետ զրույցում ասաց Արեւաշատի գյուղապետարան Սուսաննա Գեւորգյանը։
Գյուղապետն ասաց, որ կինը Վրաստանի քաղաքացի է, բայց գրանցված է իրենց գյուղում գտնվող հորեղբոր տանը։ Ինքնասպանություն գործածը ունի որդիներ, Ախալքալաքում ապրող մայր։ Դեպքի օր նա հորեղբոր տղու տնից եկել է հորեղբոր աղջկա տուն, այդ ժամանակ տանտերերը գնացել էին հիվանդանոց՝ իրենց նոր ծննդաբերած աղջկան տեսության։ Սակայն վերադարձի ճանապարհին հայտնաբերել են կնոջը պատշգամբում կանգնած, իսկ երբ մոտեցել են, տեսել են, որ նա ոչ թե կանգնած է, այլ ինքնասպանություն է գործել։ Գյուղապետն ասաց, որ կինը գրություն է թողել, որտեղ գրել էր, որ ոչ մեկի չմեղադրեն իր մահվան մեջ։ «Վաղը պիտի ճանապարհ դնեին Վրաստան, ասում են՝ ամբողջ օրը մտածմունքների մեջ էր, թե որդին եւ հարսը բաժանվել են իրարից, մի քիչ էլ վատառողջ էր, չէր աշխատում»,-ասաց գյուղապետը։
