Սառեցված հակամարտությունների գծով ենթակոմիտե ստեղծելու նախաձեռնությամբ ԵԽԽՎժն ցանկանում է ազդեցության լծակ ստեղծել: Այս մասին NEWS.am-ի թղթակցի հետ զրույցում նշել է վերլուծաբան Ստյոպա Սաֆարյանը:
Նա նշել է, որ ԵԽԽՎ-ն հիմա զրկված է այդ հնարավորությունից. «Նախկինում այդ հարցով հանձնաժողովները զեկույցներ են պատրաստել, գնահատականներ տվել, ինչը որոշակի ազդեցություն է թողել քաղաքական գործընթացների վրա: Հիմա ԵԽԽՎ-ն ցանկանում է վերադարձնել այդ հնարավորությունը՝ ստեղծելով մասնագիտացված կառույց»:
Նրա խոսքով դա բարդ գործընթաց է, առավել եւս, որ նախագծի հեղինակներն իրենց հետաքրքրությունների շրջանակում են ընդգրկում ոչ միայն «փոքր հակամարտությունները», այլեւ խոշորները: Այդ առթիվ Սաֆարյանը նշել է, որ Հայաստանի դիրքորոշումը չպետք է փոփոխվի. Հակամարտությունները պետք է կարգավորվեն համապատասխան մանդատ ունեցող կառույցների կողմից: