Կոնգրեսական Նենսի Փելոսին հայտարարել է, որ Հայոց ցեղասպանությունը հիշելը բարոյական պարտք է։
Նրա խոսքով՝ փաստերը շատ պարզ են։ 100 տարի առաջ Օսմանյան կայսրության առաջնորդները հայ ազգի դեմ ցեղասպանություն են իրականացրել, որի արդյունքում սպանվել է 1.5 մլն հայ։
Փելոսին նշել է, որ այսօր՝ իրադարձություններից 100 տարի անց, «մենք սգում ենք զոհերի հիշատակը եւ նորից աշխարհի հետ կիսում ենք այս սարսափի պատմությունը»։
«Բոլորի բարոյական պարտքն է հիշել Հայոց ցեղասպանությունը, քանի որ եթե մենք անտեսենք պատմությունը, գիտենք, որ դատապարտված ենք նրա կրկնությանը։ Մենք պետք է ասենք ճշմարտությունը եւ ոչ թե խայտառակենք զոհերին՝ հրաժարվելով ճանաչել միլիոնավոր հայերի բնաջնջումը։ Ցեղասպանության 100-ամյա տարելիցին մենք շարունակում ենք դեմ դուրս գալ նրանց, ովքեր կոծկում են փաստերը»,- հայտարարել է Փելոսին։
