Ստամբուլի Թաքսիմի հրապարակում ապրիլի 24-ի երեկոյան հազարավոր քաղաքացիներ են հարգել Հայոց ցեղասպանության զոհերի հիշատակը:
Ինչպես տեղեկացնում է թուրքական Demokrathaber կայքը, Թուրքիայում Հայոց ցեղասպանության հիշատակման մայր պլատֆորմի կողմից կազմակերպված Թաքսիմի սգո միջոցառմանը մասնակցել են քրդական Ժողովուրդների դեմոկրատական կուսակցության պատգամավորի թեկնածուներ, քաղաքական գործիչներ, արվեստագետներ, հյուրեր աշխարհի տարբեր երկրներից, այդ թվում Հայկական բարեգործական ընդհանուր միության անդամներ եւ հազարավոր քաղաքացիներ:
Երեկոյան 19:15-ին սկսված սգո միջոցառման մասնակիցների պահանջը եղել է արդարություն, ճանաչում եւ առերեսում:
Մասնակիցները կոչ են արել պետությանը խոսել ոչ թե համատեղ ցավից ու ցավակցությունից, այլ ներողություն խնդրել եւ առերեսվել պատմությանը: