Թուրքիան մի օր անպայման ընդունելու եւ ճանաչելու է Հայոց ցեղասպանությունը: Այս մասին այսօր՝ ապրիլի 25-ին, Ծիծեռնակաբերդի հուշահամալիրում NEWS.am-ի թղթակցի հետ զրույցում ասաց ԵԿՄ նախագահ, ԱԺ ՀՀԿ խմբակցության պատգամավոր, գեներալ Մանվել Գրիգորյանը:
Նրա խոսքով՝ Ցեղասպանությունից 100 տարի անց պետք է հայ ժողովուրդն ավելի ուժեղանա ու հզորանա: «Մենք պետք է պահանջատեր լինենք, եւ շարունակենք մեր պայքարը»,-ասաց նա:
Նշենք, որ նա Ծիծեռնակաբերդի հուշահամալիր էր այցելել մեծ թվով ԵԿՄ անդամների հետ, որոնք ծաղիկներ դրեցին Անմար կրակի մոտ: