Ծիծեռնակաբերդի հուշահամալիրն արդեն աղոթատեղի է: Այս մասին այսօր՝ ապրիլի 25-ին, մի քանի լրագրողների հետ զրույցում ասաց ՀՀ ոստիկանապետ Վլադիմիր Գասպարյանը, որը ոստիկանության աշխատակիցների հետ այցելել էր Ծիծեռնակաբերդի հուշահամալիր:
«Այն, ինչ այս օրերին տեղի ունեցավ, ցույց տվեց, որ փոխվեց ցեղասպանություն հասկացությունը: Այսուհետեւ մենք այս հուշահամալիր գալու ենք աղոթքի, ոչ թե ողբալու, որովհետեւ 1,5 մլն մարտիրոսվածները սրբադասվեցին, սրբացան եւ մենք արդեն ունենք մեծ երկնային բանակ, որոնք մեր բարեխոսներն են»,-ասաց նա:
Գասպարյանի խոսքով այսուհետ բոլորս գալու ենք մեր մարտիրոսված քույրերի եղբայրների ուժն ստանալու: «Կարծում եմ, մենք էլ ներքուստ փոխվեցինք, շատ կարճ ժամանակ անց կզգանք սրբադասման ուժը»,-ամփոփեց նա:
