Եմենում տիրող հակամարտության հետեւանքով վերջին մեկ ամսվա ընթացքում ավելի քան 550 խաղաղ բնակիչ է զոհվել, հայտնում է ՄԱԿ-ը:
Կազմակերպության տվյալներով՝ նրանց թվում 31 կին եւ առնվազն 115 երեխա կա: Մարդու իրավունքների հարցերով ՄԱԿ-ի գերագույն հանձնակատարի խոսքով՝ զոհվածների ընդհանուր թիվը շատ ավելին է, հայտնում է BBC-ի ռուսական ծառայությունը:
Սաուդյան Արաբիայի ղեկավարությամբ ռազմական կոալիցիայի կողմից հուսի ապստամբների դիրքերի ուղղությամբ ավիահարվածների արդյունքում մեծ թվով խաղաղ բնակիչներ են զոհվում:
Չորեքշաբթի Էր-Ռիյադը հայտարարել է արշավի դադարեցման մասին, սակայն արդեն մի քանի ժամ անց ռմբակոծությունը վերսկսել է: