Թուրքական կառավարության ժխտողականությունը Հայոց ցեղասպանության ճանաչման շուրջ կարող է հանգեցնել մարդկության դեմ նոր հանցագործությունների: Այդ մասին NEWS.am-ի թղթակցի հետ զրույցում հայտարարել է Եվրախորհրդարանի 93-ամյա հույն պատգամավոր Էմանուիլ Գլեսոսը:
Նրա համոզմամբ՝ Թուրքիայի կառավարությունը փորձում է մեղքը բարդել ողջ թուրք ժողովրդի վրա, որն իրականում պատասխանատվություն չի կրում իր նախնիների իրագործած հանցագործությունների համար: «Ավելին, ժխտելով Հայոց ցեղասպանությունը եւ այդ հանցագործության համար մինչեւ օրս պատիժ չկրելով՝ թուրքական կառավարությունը ձգտում է խույս տալ պատասխանատվությունից նաեւ Կիպրոի էթնիկ զտման համար, որը շարունակվում է կղզու հյուսիսային հատվածի օկուպացման հետեւանքով՝ չնայած ներխուժումն ու շարունակվող օկուպցիան դատապարտող ՄԱԿ-ի բոլոր որոշումներին», - ընդգծել է Էմանուլի Գլեսոսը:
Հիշեցնենք, որ ապրիլի 15-ին Բրյուսելում Եվրախորհրդարանը Հայոց ցեղասպանության մասին բանաձեւ ընդունեց, որում Թուրքիային կոչ է արվում 1915 թվականի դաժանությունները որպես ցեղասպանություն ճանաչել, առերեսվել սեփական անցյալի հետ եւ շարունակել ջանքեր գործադրել հայ եւ թուրք ժողովուրդների իրական հաշտեցման ուղղությամբ:
