Հայոց ցեղասպանության ճանաչման պատմական պահը հեռու չէ։ Այս մասին NEWS.am-ի թղթակցի հետ զրույցում ասաց եգիպտացի պատմաբան, գիտնական եւ միջազգային իրավունքի մասնագետ Այմամ Սալաման։  Նա նշեց, որ արդեն 2-րդ անգամն է ժամանում Հայաստան։ «Ես իմ խորին ցավակցություններն եմ հայտնում հայ ժողովրդին, Օսմանյան կայսրությունում Առաջին համաշխարհային պատերազմի տարիներին Ցեղասպանությունից տուժած հայ ընտանիքներին»,- ասաց Այմամ Սալաման։

Մասնագետի կարծիքով՝ ՄԱԿ 1948թ. կոնվենցիայի 1-ին հոդվածով ցեղասպանությունը միջազգային հանցագործություն է՝անկախ նրանից, թե դա կատարվել է պատերազմական, թե խաղաղ իրավիճակներում։ «Հետեւաբար, դա փաստացի շատ հստակ եւ անվիճելի կերով հերքում է թուրքական կողմի պնդումները։ Եթե Դուք հարցնեք իրավաբաններին, փաստաբաններին, մարդու իրավունքների պայքարի ակտիվիստներին, նրանց 90 տոկոսը կասի, որ Հայոց ցեղասպանությունը տիպիկ ցեղասպանություն էր, ինչպես դա որակում է միջազգային իրավունքը, միջազգային հումանիտար իրավունքը եւ Ժնեւի կոնվենցիան»,- ընդգծեց Սալաման՝ հավելելով, որ թուրքական կառավարությունը պետք է ուղերձ հղի ոչ թե հայ, այլ սեփական ժողովրդին, որպեսզի նրանք հասկանան, թե իրականում ինչ է եղել։