Թուրքիայի Թունջելի նահանգի (Դերսիմ) Հոզաթի շրջանում ապրիլի 24-ին հավաքվածները հարգել են Հայոց ցեղասպանության զոհերի հիշատակը եւ պետությանը կոչ արել ճանաչել Ցեղասպանությունը։
Թուրքական Haberler-ի փոխանցմամբ՝ «Դերսիմի հայերի եւ ալեւիների բարեկամության միության» (DERADOST) կողմից կազմակերպվել է Հայոց ցեղասպանության զոհերի հիշատակման արարողություն։
Թունջելի քաղաքի Սեյիթ Ռըզայի հրապարակում հավաքվածները ավտոշարասյունով շարժվել են դեպի այն վայրը, որտեղ 1915-ին կոտորել են հայերին։ Հիշատակի միջոցառմանը մասնակցել են «Ժողովրդա-հանրապետական» կուսակցության անդամ, Հոզաթի քաղաքապետ Ջելալեդին Փոլաթը, քրդական «Ժողովուրդների դեմոկրատական» կուսակցության կողմից պատգամավորի թեկնածու առաջադրված Ալիջան Օնլուն, քաղաքական գործիչնեչ, հասարակական կազմակերպությունների ներկայացուցիչներ եւ բազմաթիվ քաղաքացիներ։
Հավաքվածները հարգել են Հայոց ցեղասպանության զոհերի հիշատակը եւ պետությանը կոչ արել ճանաչել Ցեղասպանությունը։
