Ոստիկանության Երեւան քաղաքի վարչության օպերատիվ կառավարման կենտրոնից Կենտրոնականի բաժնում օրեր առաջ, ժամը 04.15-ին, հաղորդում էր ստացվել, որ իրենց է զանգահարել 1990 թ. ծնված Վարդգես Հ.-ն եւ հայտնել, որ ժամը 04.00-ին Տերյան փողոցում գտնվող գիշերային ակումբում անհայտ անձը ապակյա տարայով հարվածել է իր դեմքին եւ պատճառել վնասվածք:
Ոստիկանության ծառայողների ձեռնարկած միջոցառումների շնորհիվ պարզվել է, որ Վարդգես Հ.-ին վնասվածք է պատճառել 1982 թ. ծնված Կարեն Ա.-ն, ով բացատրական աշխատանքների շնորհիվ ներկայացել է բաժին եւ տվել բացատրություն:
Կատարվում է քննություն:
