Հարկավոր է ոչ միայն ճանաչել Հայոց ցեղասպանությունը, այլեւ փոխհատուցում վճարել: «Այբ» կրթահամալիրում ապրիլի 25-ին կայացած «Հայոց ցեղասպանության խնդիրների կարգավորման ռազմավարություն» թեմայով կլոր սեղանի ժամանակ այս մասին հայտարարեց ԱՄՆ 28-րդ նախագահ Վուդրո Վիլսոնի ծոռը՝ «Վուդրո Վիլսոնի ժառանգություն» հիմնադրամի նախագահ Դոնալդ Վիլսոն Բուշը:
Նա Հայաստանին եւ Արցախին երախտագիտություն հայտնեց հյուրընկալության համար: Դոնալդ Վիլսոն Բուշը պատմեց, որ իր կինը հայ է: «Իմ հայերն ավելի շատ հայ են, քան ես՝ շոտլանդացի, իռլանդացի, գերմանացի եւ ամերիկացի»,- կատակեց նա:
Նշենք, որ Դոնալդ Վիլսոն Բուշն ապրիլի 20-ին այցելել է նաեւ Արցախի Հանրապետություն եւ հանդիպել երկրի նախագահ Բակո Սահակյանի հետ: