Նյու Յորքում Ցեղասպանության զոհերի հիշատակին նվիրված արարողության ժամանակ թուրք տղամարդը հարձակվել է հանրահավաքի մասնակից հայ տղամարդու վրա, մարմնական վնասվածք հասցրել։

Horizon Weekly պարբերականի փոխանցմամբ, նախօրեին, երբ երթն անցնելիս է եղել Մանհեթենի 3-րդ ավենյուով, թուրք ցուցարարը հարձակվել է Սեդրակ Բալաբանյանի վրա։ Նա հրել է հային, գցել փողոցում, եւ վերջինիս վրաերթի է ենթարկել անցնող մի մեքենա։

Չարագործին ձերբակալել են Նյութ Յորքի ոստիկանները, որոնք հսկում էին երթի անվտանգությունը։

Սեդրակ Բալաբանյանի դուստրը՝ Ջանին Բալաբանյանը պարբերականին հայտնել է, որ դեպքի վայր ժամանակ շտապօգնությունը իր հորը տեղափոխել են Նյու Յորքի Փրեսբիթերյան հիվանդանոց, որտեղ նա այժմ բուժօգնություն է ստանում, քանի որ վթարից հետո կոտրվել են նրա ոտքերը։

Սեդրակ Բալաբանյանը Նյու Յորքում մասնակցելիս է եղել Ցեղասպանության զոհերի հիշատակին նվիրված երթին։