Լեռնային Ղարաբաղի բանակցություններում կարեւոր խնդիր է ԵԱՀԿ Մինսկի խմբի դերի վրա ուշադրություն դարձնելը: Այս մասին NEWS.am-ի եւ «Արմենպրեսի» հետ զրույցում նշել է Բելգիայի ԱԳ նախարար Դիդիե Ռեյնդերսը, ով Երեւանում ներկա է գտնվել Հայ-բելգիական առեւտրի պալատի 10-ամյա հոբելյանին նվիրված միջոցառմանը
Առաջին հերթին պետք է հիշել, որ ԼՂ հակամարտության կարգավորմանն աջակցելու առաքելությունն ընկած է ԵԱՀԿ Մինսկի խմբի վրա, ասել է նա:
Ներկայումս հայ-ադրբեջանական սահմանին կամ շփման գծում միջադեպերը դադարեցնելու առաջարկներ են ներկայացվել, ինչպես նաեւ, եթե հնարավոր է, ռազմական ներկայության հետքաշում: «Այնուհետեւ պետք է հասնել լուծման, որն ընդունելի կլինի բնակչության համար»,-հավելել է Ռեյդերսը:
Երպես ԵԽ Նախարարների խորհրդի ներկա նախագահ, Ռեյնդերսը ԼՂ հարցում իր նպատակը համարել է ԵԱՀԿ Մինսկի խմբի դերին ուշադրություն դարձնելը, ինչպես նաեւ ԵԽԽՎ պատվիրակների միջեւ, այդ թվում Երեւանի եւ Բաքվի, քննարկումների համար մթնոլորտի ստեղծումը:
«Ռազմական լուծում չկա, լուծումը պետք է ընդունվի քաղաքական ճանապարհով՝ ԵԱՀԿ Միսնկի խմբի շրջանակներում»,- ամփոփել է Ռեյնդերսը: