Ուկրիանան պաշտպանողական զենքի կարիք ունի, եւ ուկրաինացի զինվորականներն այսօր պաշտպանում են ոչ միայն Ուկրաինայի սահմանները, այլեւ ողջ Եվրոպայի ամբողջականությունը: Այս մասին հայտարարել է Ուկրաինայի վարչապետ Արսենի Յացենյուկը՝ «5-րդ ալիքին» տված հարցազրույցում:
«Մենք ձեզնից հարձակողական զենք չենք խնդրում: Մեզ զենք տվեք պետության սահմանները պաշտպանելու համար: Մենք պաշտպանում ենք ձեր սահմանները, աշխարհն ու ԵՄ-ում հանգստությունը: Որովհետեւ նրանք, որոնք ԵՄ արեւմուտքում են, մտածում են, որ ռուսական տանկերն այնտեղ չեն հասնի, տա Աստված: Մենք նույնպես 1,5 տարի առաջ մտածում էինք, որ Ռուսաստանը երբեք իրեն թույլ չի տա բռնակցել Ղրիմը եւ ռազմական ներխուժում իրականացնել Դոնեցկում ու Լուգանսկում»,-ասել է Յացենյուկը, հաղորդում է ՈՒՆԻԱՆ-ը:
Յացենյուկի կարծիքով, Ռուսաստանի կողմից ստեղծված աշխարհաքաղաքական հակամարտության մեջ միակ ճիշտ ելքն այն է, որ աշխարհը միավորվի ու օգնի Ուկրաինային այնպես, ինչպես Ուկրաինան այսօր օգնում է Եվրոպային եւ ԵՄ-ին: