Հիվանդանոցից ապրիլի 16-ի գիշերը ոստիկանության Բաղրամյանի բաժնում հաղորդում էր ստացվել, որ «փակ գլխուղեղային վնասվածք՝ հարցականով, ճակատի շրջանի սալջարդ վերք` ձախից, ձախ ակնակապիճի շրջանի կապտուկ» ախտորոշմամբ բուժօգնության է դիմել 29-ամյա Էդգար Բ.-ն եւ հայտնել, որ վնասվածքներն ստացել է իրենց տան աստիճաններից վայր ընկնելու հետեւանքով:
Ոստիկանության մամուլի ծառայությունից հայտնում են, որ նյութերի նախապատրաստման ընթացքում ոստիկանության ծառայողները պարզել են, որ Քարակերտ գյուղում, վիճաբանության ժամանակ, նրան հրել եւ գետին է գցել 32-ամյա Վարազդատ Մ.-ն:
Ոստիկանության ծառայողների բացատրական աշխատանքների շնորհիվ՝ վերջինս ներկայացել է բաժին:
Կատարվում է քննություն: