Գերմանիայի իշխանությունները տեղյակ են եղել Արեւելյան Ուկրաինայի վրայով իրականացվող թռիչքներին սպառնացող ռիսկերի մասին նախքան մալայզիական Boeing-ի աղետը, սակայն այդ մասին տեղյակ չեն պահել գերմանական ավիաընկերություններին, հայտնում է Suddeutsche Zeitung-ը։ Ինչպես ասվում է հոդվածում, 2014թ. հուլիսի 15-ի կառավարական զեկույցում Ուկրաինայում տիրող իրավիճակի զարգացումների հետ մեկտեղ նշվում է, որ 6 հազար կմ բարձրության վրա ուղեւորատար ինքնաթիռ է խոցվել։
Մասնագետները հաշվետվության մեջ նշում են, որ այդ բարձրության վրա օդանավ խոցելու համար անհրաժեշտ է հատուկ սպառազինություն ունենալ, փոխանցում է Gazeta-ն։
Սակայն այդ տեղեկությունն ունենալով հանդերձ՝ Գերմանիայի իշխանությունները տեղյակ չեն պահել ո՛չ տրանսպորտի նախարարությանը, ո՛չ էլ ավիաընկերության ներկայացուցիչներին, գրում է թերթը։
Malaysia Airlines-ի ուղեւորատար օդանավը խոցվել էր 2014թ. հուլիսի 17-ին Դոնեցկի շրջանում։ Օդանավում գտնվող 298 ուղեւորները զոհվել էին։