Կրասնոյարսկի դատարանը քրեական հեղինակություն համարվող Վիլոր Ստրուգանովին, ով առավել հայտնի է «Պաշա Ցվետոմուզիկա» մականվամբ, եւ նրա երկու հանցակիցներին դատապարտել է 9 տարվա ազատազրկման, որը նրանք կացկացնեն խիստ ռեժիմի գաղութում:
Նա մեղադրվում է 1990-ական թվականներին մի շարք սպանություններ կազմակերպելու մեջ: Դատական գործընթացն սկսվել է 2014-ի հոկտեմբերին:
Ընդհանուր առմամբ գործով հարցաքննվել է ավելի քան 60 վկա, այդ թվում Կրասնոյարսկի օրենսդիր մարմնի պատգամավոր, հայտնի գործարար Անատոլի Բիկովը:
Պետական մեղադրողն առաջարկել է Ստրուգանովին դատապարտել 25 տարվա ազատազրկման, որից առաջին 7 տարին բանտում, հաղորդում է «ՌԻԱ նովոստին»:
Դատարանն արդարացրել է նրան՝ 1994-ին քրեական հեղինակություն Տոլմաչեւի սպանության կազմակերպման գործով եւ դատապարտել 9 տարվա ազատազրկման՝ խիստ ռեժիմի գաղութում:
«Պաշա Ցվետոմոզիկան» 1990-ականներին «ալյումինե պատերազմների» հայտնի մասնակիցներից է: Նա 2014-ի մարտին ձերբակալվել է Մոսկվայում՝ 5 ստանությունների առնչություն ունենալու կասկածանքով:
Քննության տվյալներով, 1994-98 թվականներին հանցագոր խմբավորման անդամները, որոնց առաջնորդը եղել է Ստրուգանովը, պատվերով սպանություններ է իրականացրել Կրասնոյարսկի երկրամասում՝ քրեական ազդեցությունները վերաբաշխելու համար: