ԵԱՀԿ-ն կարծում է, որ Ղազախստանում նախագահական ընտրությունների ժամանակ քվեարկողների ընտրության հնարավորությունը սահմանակ է եղել իրական ընդդիմության եւ լրատվամիջոցների գրա դրված սահմանափակումների պատճառով։ Այս մասին ասված է ընտրության վերաբերյալ ԵԱՀԿ հատուկ զեկույցում։
«Գործող նախագահի դոմինանտ դիրքորոշումը եւ իրական ընդդիմության բացակայությունը սահմանափակել է ընտրազանգվածների հնարավորությունները»,- հայտարարել է ԵԱՀԿ ԺՀՄԻԳ առաքելության ղեկավար Կորնելիա Յոնկերը։ Նա նաեւ մատնանշել է լրատվամիջոցների սահմանափակ հնարավորությունները։
Դիտորդները հայտարարել են նաեւ ընտրազանգվածների վրա ճնշում գործադրելու դեպքերի մասին, որոնց նպատակն է եղել հարկադիր կերպով մարդկանց ուղղել զանգվածային քվեարկության։
Ավելի վաղ հայտնի էր դարձել, որ Ղազախստանի գործող նախագահ Նուրսուլթան Նազարբաեւը նախնական հաշվարկով հաղթանակ է տանում ձայների 97.7 տոկոսով։
Նազարբաեւը դիտորդներից ներողություն էր խնդրել նման բարձր ցուցանիշների համար։ «Ես ներողություն են խնդրում, որ գերժողովրդավար պետությունների համար այս թվերը անընդունելի են, սակայն ես ոչինչ չեմ կարող անել։ Եթե ես միջամտեի, դա արդեն ժողովրդավարություն չէր լինի»,- մեջբերում է Նազարբաեւի խոսքը «ՌԻԱ Նովոստի»-ն։
