Հայոց ցեղասպանության իրականացման համար Հայաստանը Թուրքիայի այժմյան իշխանություններին մեղավոր չի համարում: Բայց երբ նրանք ժխտում են ցեղասպանությունը, այդ հանցագործության մեղսակից են դառնում:
«Պոզներ» հաղորդման ժամանակ այս մասին հայտարարել է Հայաստանի նախագահ Սերժ Սարգսյանը: «Կցանկանայինք, որ նրանք թոթափեն այդ բեռը»,- հավելել է նախագահը:
«Ցանկացած հանցագործություն, եթե չի բացահայտվում, եթե դրան պատիժ չի հետեւում, հետագա հանցագործությունների համար խթան է հանդիսանում: Կանխարգելման ամենահզոր տարրը, որը կարող է ապագայում իրականացվել, հենց անցյալում իրականացված հանցագործությունների ճանաչումն է»,- հայտարարել է Սերժ Սարգսյանը:
