ԱՄՆ Բալտիմոր քաղաքում ոստիկանության հետ բախման հետեւանքով սպանված աֆրոամերիկացու մահվան պատճառով սկսված բողոքի ակցիան վերածվել է ոստիկանության հետ բախումների։ Ըստ վերջին տվյալների՝ տուժել է ոստիկանության 15 աշխատակից։ Նրանցից մի քանիսը կոտրվածքներ ունեն, իսկ մեկ իրավապահ գտնվում է անգիտակից վիճակում։

Անկարգությունները սկսվել էին ապրիլի 27-ին։ Ցուցարարների դեմ արցունքաբեր գազ են կիրառել։ Նրանք կոտրել են խանութների ցուցափեղկերը, այնուհետեւ հրդեհել դեղատունը, հայտնում է Lenta.ru-ն։

Նահանգապետ Լարի Հոգանը արտակարգ իրավիճակի ռեժիմ հաստատելու հրաման է ստորագրել։ Ազգային գվարդիան բերվել է մարտական պատրաստվածության։ Ոստիկանները քաղաքաբնակներին խորհուրդ են տալիս մնալ տանը, իսկ վարորդներին՝ հրաժարվել երթեւեկությունից։