ՌԴ վարչապետ Դմիտրի Մեդվեդեւը Հայոց ցեղասպանության 100-ամյակի կապակցությամբ հեռագիր է հղել իր հայ գործընկեր Հովիկ Աբրահամյանին։ Այս մասին տեղեկացնում է ՌԴ դեսպանատան մամուլի ծառայությունը։
«Այս օրերին մենք հարգանքի տուրք ենք մատուցում պատմության ամենաողբերգական իրադարձություններից մեկի՝ Հայոց ցեղասպանության զոհերի հիշատակին։ Սգում ենք 100 տարի առաջ Օսմանյան կայսրության տարածքում զանգվածային բռնությունների հետեւանքով զոհվածների մահը։ Մարդկության դեմ գործած հանցագործություններին արդարացում չկա։
ՌԴ դեսպանատան եւ անձամբ իմ անունից ես Ձեզ եւ եղբայրական Հայաստանի քաղաքացիներին ցավակցության խոսք եմ հայտնում եւ կիսում ձեր ցավն ու վիշտը։ Պայծառ հիշատակ զոհերին։ Թող գալիք սերունդները խաղաղության եւ համերաշխության մեջ ապրեն»,- ասված է ռուս վարչապետի հեռագրում։
