Գերմանիայի կանցլեր Անգելա Մերկելը մայիսի 10-ին Մոսկվա կատարվելիք այցի ժամանակ մտադիր է բանակցություններ վարել ՌԴ նախագահ Վլադիմիր Պուտինի հետ։ Այս մասին տեղեկացնում է «ՌԻԱ Նովոստի»-ն՝ վկայակոչելով Գերմանիայի կառավարության ներկայացուցիչ Շտեֆեն Զայբերգին։
Զայբերգը հավելել է, որ Մերկելի այցը պայմանավորված է «Երկրորդ համաշխարհային պատերազմի զոհերի հիշատակը հարգելու անհրաժեշտության հետ»։
Ավելի վաղ Մերկելը որոշել էր ներկա չլինել Մոսկվայում Հաղթանակի շքերթին, սակայն պլանավորում է մայիսի 10-ին ծաղկեպսակ դնել Անհայտ զինվորի շիրիմին։