Ֆրանսիական Servier ընկերության «Դիաբետոն» դեղամիջոցը Հայաստանում հնդկական նմանօրինակին կփոխարինի 2015թ. հուլիսի 1-ից։ Այս մասին ապրիլի 29-ին հայտարարել է ՀՀ առողջապահության նախարար Արմեն Մուրադյանը։

Սպառողները կարող են անցնել ֆրանսիական դեղամիջոցին, երբ կվերջանան հնդկական դեղորայքի պաշարները։ Դեղահաբերն ընդունում է 64 հազար հիվանդ, եւս 13 հազարը ինսուլին է ստանում դանիական Novo Nordisk ընկերությունից։ «Հայաստանը մշտապես պահպանում ինսուլինի եռամսյա պաշարը եւ ամբողջովին բավարարում է հիվանդների կարիքները»,- վստահեցրեց նախարարը։