Սպենդիարյանի անվան օպերայի եւ բալետի ազգային ակադեմիական թատրոնում «Երեւանյան հեռանկարներ» փառատոնի շրջանակում ապրիլի 29-ին կայացած ամերիկյան «Kronos Quartet» քվարտետի համերգը (ֆոտոռեպորտաժ):
Դեւիդ Հարինգթոնը (ջութակ), Ջոն Շերբան (ջութակ), Հենկ Դատտը (ալտ) եւ Սանի Յանգը (թավջութակ) կատարեցին Բրայս Դեսսների, Լորի Անդերսոնի, Նիկոլ Լիզեի եւ այլոց ստեղծագործությունները:
Հատուկ հայ ունկնդրի համար հնչեց նաեւ Դարեն Արոնովսկիի «Երազանքի ռեքվիեմ» ֆիլմի համար Քլինթ Մենսելի ստեղծած երաժշտությունը:
Համերգի երկրորդ հատվածում երաժիշտները կատարեցին ռուսաստանցի հայտնի կոմպոզիտոր Վլադիմիր Մարտինովի «The Beatitudes»-ը: Բացի այդ, օպերային թատրոնի բեմում կայացավ ամերիկահայ կոմպոզիտոր Մերի Գույումջյանի «Լուռ կռունկներ» ստեղծագործությունը, որը գրվել է հատուկ Հայոց ցեղասպանության 100-րդ տարելիցի առիթով: