Հայաստանի հարկային ծառայությունը շարունակում է ստուգումներ իրականացնել ԲՀԿ նախկին առաջնորդ, հայտնի գործարար Գագիկ Ծառուկյանին պատկանող ձեռնարկություններում: Այս մասին, այսօր՝ ապրիլի 30-ին, լրագրողների հետ զրույցում նշել է ֆինանսների փոխնախարար Վախթանգ Միրումյանը:
Հարցին, թե ինչ վիճակում են ստուգումները, Միրումյանը պատասխանել է. «Այն բոլոր կազմակերպությունները, որոնք ենթակա են ստուգման, ստուգվում են, եւ որեւէ ստուգում կիսատ չի մնում»:
Հիշեցնենք, որ մարտի 5-ին Գագիկ Ծառուկյանը հայտարարել քաղաքականությունից հեռանալու, ԲՀԿ նախագահի պաշտոնը լքելու մասին: Դրանից հետո ԲՀԿ մի շարք պատգամավորներ եւս դուրս են եկել կուսակցությունից:
