Վրաստանի վարչապետ Իրակլի Ղարիբաշվիլին ներկայացրել է կառավարության նոր անդամների թեկնածությունները. Ըստ այդմ, երկրի պատմության մեջ առաջին անգամ պաշտպանության նխարարի պաշտոնում կին կնշանակվի:
Ռազմական գերատեսչությունը կղեկավարի 42-ամյա Թինա Խիդաշելին, բնական պաշարների նախարարությունը՝ Գիգլա Ագուլաշվիլին, իսկ սպորտի ու երիտասարդության հարցերի նախարարությունը՝ Տարիել Խիչիկաշվիլին: Մնացած նախարարները պահպանել են իրենց պաշտոնները:
Կառավարության կազմը կուղարկվի երկրի նախագահին, ապա խորհրդարանին՝ վերջինիս վստահությունն ստանալու համար, հաղորդում է «Գռուզիա online»-ը: