Հայաստանի համար արեւային կայաններն իրենց կարեւորությամբ չեն զիջում ԱԷԿ-ին: Այս մասին, այսօր՝ մայիսի 1-ին, լրագրողների հետ հանդիպման ժամանակ հայտարարել է տեխնիկական գիտությունների դոկտոր Վահան Համազասպյանը: Նրա խոսքով, Հայաստանում արեւային էներգետիկայի զարգացումն ավելի շատ կխթանի տնտեսությունը, քան նոր ատոմակայանը:
«Դրա համար կան բոլոր նախադրյալները, եւ նախագիծը կարելի է իրականացնել եւ Հայաստանում, եւ Արցախում: Սպիտակում արեւային էլեկտրակայանի համար կան հրաշալի վայրեր՝ ինտենսիվ արեւային ճառագայթմամբ»,-հավելել է Համազասպյանը:
«Նախագծի իրականացման համար անհրաժեշտ է ներգրավել ոչ միայն Հայաստանի, այլեւ սփյուռքի ուժերը: Կառավարությունը չպետք է միջոցներ խնայի՝ խթանելու համար նախաձեռնությունները մաքուր էներգետիկայի ոլորտում»,-ասել է նա: