Ընդամենը կարող եմ մտածել, որ Երեւանի ավագանու «Բարգավաճ Հայաստան» աշխատասենյակում «սկվազնյակ» է եղել, ինչը լրջորեն վտանգել է Սամվել Շառոյանի առողջությունը: Այսպիսին էր ԲՀԿ ղեկավար Նաիրա Զոհրաբյանի արձագանքը՝ Սամվել Շառոյանի մեկնաբանությանը, թե ԲՀԿ-ից դուրս է գալիս առողջական խնդիրների պատճառով:
«Ընդամենը կարող եմ մտածել, որ ԲՀԿ ավագանու աշխատասենյակում սկվազնյակ է եղել, ինչը լրջորեն է վտանգել է Սամվել Շառոյանի առողջությունը: Ես հույս ունեմ, որ այլ կուսակցությունների սենյակներում, որտեղ ինքը ավելի կոմֆորտ կզգա իրեն, սկվազնյակ չի լինի»,-ասաց ԲՀԿ ղեկավարը:
Հիշեցնենք, որ ապրիլի 30-ին տեղի է ունեցել Երեւանի ավագանու հերթական նիստը: Նախքան օրակարգի հարցերին անցնելը Երեւանի քաղաքապետ Տարոն Մարգարյանը տեղեկացրել է, որ Սամվել Շառոյանը Երեւանի ավագանու «Բարգավաճ Հայաստան» խմբակցությունից դուրս գալու դիմում է ներկայացրել: Քաղաքապետը նաեւ նշել է, որ նա, օրենքով սահմանված կարգով, կշարունակի մնալ Երեւանի ավագանու անդամ։