Նյարդավիրաբույժ Բեն Քարսոնը մտադիր է առաջադրվել ԱՄՆ նախագահի պաշտոնում։ Այս մասին նա հայտնել է Ֆլորիդայի նահանգի WPEC-TV հեռուստատեսության եթերում։ Նա 2016թ. ընտրություններում հույս ունի ներկայացնել Հանրապետական կուսակցությունը։
«Ես հայտարարում են իմ թեկնածությունն առաջադրելու մասին»,- հայտարարել է 65-ամյա թոշակառու բժիշկը։
Պաշտոնապես նա իր թեկնածությունն առաջադրելու մասին կհայտարարի մայիսի 4-ին, գրում է Lenta-ն։
Հանրապետական կուսակցության անունից այս պահին առաջադրվել են Թեդ Քրուզն ու Ռենդ Փոլը։
Դեմոկրատական կուսակցության անունից առաջադրվել են անկուսակցական սենատոր Բերնի Սանդերսն ու Հիլարի Քլինթոնը։
