ՀՀ կրթության եւ գիտության նախարար Արմեն Աշոտյանն այսօր հրաման է ստորագրել` «2014-2015 ուսումնական տարվա գիտելիքների ստուգման, ավարտական, պետական ավարտական քննությունների կազմակերպման, անցկացման աշխատակարգը եւ ժամանակացույցը հաստատելու մասին»:
Համաձայն աշխատակարգի` հանրակրթական հիմնական ծրագրեր իրականացնող ուսումնական հաստատություններում` անկախ դրանց կազմակերպաիրավական ձեւից, ենթակայությունից եւ ուսուցման լեզվից, 2014-2015 ուստարվա ուսումնական պարապմունքները կավարտվեն 2015թ. մայիսի 22-ին՝ հնգօրյա կամ մայիսի 23-ին՝ վեցօրյա ուսումնական շաբաթով աշխատող ուսհաստատության համար` ապահովելով առնվազն 30 ուսումնական շաբաթ` 1-ին դասարանների, առնվազն 32 ուսումնական շաբաթ` 2-րդ դասարանների եւ առնվազն 34 ուսումնական շաբաթ` 3-12-րդ դասարանների համար:
Հունիսի 1-22-ն ուսհաստատությունների 4-րդ, 9-րդ եւ 12-րդ դասարաններում կանցկացվեն համապատասխանաբար` գիտելիքների ստուգում, ավարտական եւ պետական ավարտական քննություններ:
