Twitter-ում ամերիկուհու գրառումն ապացույց է համարվել, որ նա մեղավոր է մահվան ելքով ավտովթարի մեջ: Կնոջը դատապարտել են 24 տարվա ազատազրկման:
Վթարը տեղի է ունեցել դեռեւս 2013 թվականին, Ֆլորիդայում: Քայլա Մենդոսը վրաերթի է ենթարկել 21-ամյա 2 աղջիկների, որոնք մահացել են:
Ողբերգությունից մի քանի րոպե անց ամերիկուհին Twitter-ում գրել է, որ «չափից ավելի խմած է, որպեսզի ծանր ապրումներ ունենա», ինչն էլ դատարանում օգտագործվել է նրա դեմ:
Բացի այդ, փորձաքննությունը պարզել է, որ վթարի պահին կնոջ օրգանիզմում ալկոհոլի քանակությունը կրկնակի բարձր է եղել թույլատրելիից, հաղորդում է НТВ-ն՝ վկայակոչելով NBC-ն:
