Ադրբեջանի արտգործնախարար Էլմար Մամեդյարովը դժգոհություն է հայտնել ԱՄՆ պետքարտուղար Ջոն Քերրիին։

Պատասխանելով պետքարտուղար Ջոն Քերրիի գրասենյակի կողմից ԱՄՆ Կոնգրեսում հակաադրբեջանական արշավ տանելու մասին ԱՊԱ գործակալության հարցին, Մամեդյարովն ասել է. «Հետազոտություններն ապացուցում են, որ ԱՄՆ-ում որոշ անձինք, օգտագործելով «մարդու իրավունքների պաշտպանություն» հասկացությունը՝ որպես նպատակներին հասնելու միջոց, Ադրբեջանի դեմ նպատակաուղղված գործունեություն են ծավալում։ Ինչպես տեսնում ենք, այդ հակաադրբեջանական քարոզարշավը չի սահմանափակվում միայն Ադրբեջանի միջազգային հեղինակությանը հասցված վնասով, այլ փորձ է անում սասանել նաեւ Ադրբեջանի հասարակական-քաղաքական կայունությունը։

Ադրբեջանում անցկացվելիք առաջին Եվրոպական խաղերի նախօրեին, մեր երկրի նկատմամբ համաշխարհային մամուլի ուշադրության պարագայում, այդ ուժերը, «սառը պատերազմի» դարաշրջանին հատուկ միջոցներով փորձում են իրավիճակն օգտագործել իրենց կեղտոտ նպատակների համար»,- հայտարարել է Մամեդյարովը։

Ընդ որում  նախարարը հնարավորությունը բաց չի թողել հայտարարել «Հայաստանի ագրեսիվ բռնազավթող քաղաքականության մասին»։