Եթե Հայաստանը մտել է Եվրասիական տնտեսական միություն, նա չպիտի խախտի ԵՏՄ հարկային օրենսդրությունը։ Այս մասին մայիսի 5-ին Հայաստանի խորհրդարանում հայտարարեց նախկին վարչապետ, ընդդիմադիր պատգամավոր Հրանտ Բագրատյանը՝ մեկնաբանելով Կառավարության ներկայացրած «Եկամտահարկի մասին օրենքի» նախագիծը։
Օրինագիծն առաջարկում է ոչ ռեզիդենտների համար 13 տոկոս հարկ սահմանել։ Միաժամանակ խոսքը վերաբերում է օտարերկրյա բյուջեներից այդ հարկը Հայաստանի բյուջե տեղափոխելեուն։ Այլ խոսքով ասած՝ կրկնակի հարկում չի լինի։
Բագրատյանն ուշադրություն է հրավիրել այն հանգամանքին, որ օրինագիծը հակասում է ԵՏՄ հիմնարար սկզբունքներից մեկին՝ ընդհանուր ռեզիդենտներ ունենալու ինստիտուտին։ «ՀՀ քաղաքացիները Ռուսաստանի աշխատաշուկայում կարող են գործել ռուս ռեզիդենտների հետ հավասար։ Դուք ինքներդ եք քվեարկել դրա օգտին՝ ստորագրելով ԵՏՄ պայմանագիրը։ Եթե մտել եք այնտեղ, ուրեմն ձեզ նորմա՛լ պահեք»,- ընդգծեց Բագրատյանը։
