Հայաստանի իշխանությունն ուզում է Ռուսաստանի շինարարական կապալը հանձնել հայազգի օլիգարխներին։ Այդ մասին այսօր՝ մայիսի 5-ին խորհրդարանում լրագրողների հետ զրույցում հայտարարել է Հայ ազգային կոնգրես խմբակցության ղեկավար Լեւոն Զուրաբյանը՝ մեկնաբանելով «Եկամտահարկի մասին» օրենքում արվող փոփոխությունները։
Օրինագիծն առաջարկում էր 13 տոկոս հարկ սահմանել արտերկրում աշխատող քաղաքացների համար, բայց միայն պայմանագրով աշխատողների
Զուրաբյանի կարծիքով, իշխանությունը ցանկանում է Ռուսաստան աշխատելո մեկնող մարդկանց հավաքել խոշոր ընկերությունում։ Դրանք ղեկավարելու է հայազգի գործարարները, որոնք իրենց համար շահավետ պայմաններ են ուզում ստանալ ռուսաստանյան շինարարական կամ ճանապարհային տենդերներում։ «Իշխանությունը մտածում է այդ օլիգարխների մասին եւ, թե ինչպես մի քանի կոպեկ փախցնի։ Իսկ քաղաքացիների մասին գործող իշխանությունը, բնականաբար, բացարձակապես չի մտածում»,- նշել է Զուրաբյանը։
