Բեռլինի բանկոմատներն այս շաբաթ առանց կանխիկ դրամի են մնացել. տեղական ինկասացիոն ընմերության աշխատակիցները գործադուլ են հայտարարել:
«Հայտնի չէ, թե երբ է ավարտվելու գործադուլը: Հնարավոր է՝ այսօր, իսկ հնարավոր է՝ չորս շաբաթ անց: Ամեն ինչ կախված է ընկերության արձագանքից»,- Bloomberg գործակալությանն ասել է ակցիան կազմակերպած Ver.di արհմիության ներկայացուցիչ Անդրեաս Շպլանեմանը:
Ինտերֆաքսի փոխանցմամբ, նա նաեւ նշել է, որ «բազմաթիվ բանկոմատներ արդեն դատարկվել են, եւ ընկերության վրա ճնշումն առաջիկա օրերին զգալիորեն կաճի»:
Հիշեցնենք, որ այս շաբաթ Գերմանիայում աշխատանքի դուրս չեն եկել նաեւ երկաթուղային մեքենավարները, ինչը խնդիրներ է առաջացրել ամբողջ երկրում:
