Ֆրանսիայի հարավում մարտի 24-ին կործանված A320 օդանավի երկրորդ օդաչու Անդրեաս Լուբիցը փորձել է վթարի օրը ցած իջեցնել Դյուսելդորֆից Բարսելոն չվերթ իրականացնող մեկ այլ օդանավը, հայտնում է Bild-ը։
Պարբերականը նշում է, որ չորեքշաբթի կհրապարակվի ավիավթարի հետաքննության նախնական հաշվետվությունը։ Նրանում նշված է լինելու, որ Լուբիցը փորձել է իջեցնել օդանավը, ինչը տեխնիկական առումով հիմնավորված չի եղել, գրում է ՏԱՍՍ-ը։
Բարսելոն-Դյուսելդորֆ չվերթն իրականացնող Germanwings ավիաընկերության օդանավը կործանել էր մարտի 24-ին Ֆրանսիական Ալպերում: Օդանավում գտնվող բոլոր 150 ուղեւորները զոհվել են:
Լուբիցին կասկածում են ինքնաթիռը դիտավորյալ կործանելու մեջ: Փակվելով օդաչուների խցիկում՝ նա ներս չի թողել առաջին օդաչուին եւ օդանավը ցած է իջեցրել: Հայտնի է, որ նա հոգեբանի մոտ հաշվառման տակ էր գտնվում եւ վթարից քիչ առաջ բաժանվել էր ընկերուհուց: