ԱՄՆ-ը 20 մլն դոլարի պարգեւ է խոստանում նրանց, որոնք տեղեկատվություն կհաղորդեն «Իսլամական պետություն» խմբավորման 4 առաջնորդների, այդ թվում վրաստանցի Թարհան Բատիրաշվիլիի մասին:
ԱՄՆ պետքարտուղարության տեղեկատվության համաձայն, Վաշինգթոնը պատրաստ է 7 մլն դոլար վճարել Իրաքում «ԻՊ»-ի առաջնորդ Աբդ Ռահման Մուստաֆա Քադուլիի մասին տեղեկատվության համար, 5 մլն դոլար՝ վրացի նախկին զինծառայող Թարհան Բատիրաշվիլիի (հայտնի է որպես Ումար աշ-Շիշանի) մասին տեղեկատվության համար, որը գործում է Սիրիայի հյուսիսում, եւս 5 մլն դոլար՝ «ԻՊ»-ի «մամուլի քարտուղար» Աբու Մուհամադ Ադնանիի մասին տեղեկությունների համար, հաղորդում է BBC-ի ռուսական ծառայությունը:
Եվս 3 մլն դոլար ԱՄՆ-ը պատրաստ է վճարել Թարիք բեն Թահարու բեն Ֆալիհու Ավանի Խարզիի մասին տեղեկատվության համար, ով գլխավորում է գրոհայինների խմբավորումը թուրք-սիրական սահմանին:
Ավելի վաղ Թարհան Բատիրաշվիլին եւ եւս 11 անձ ներառվել էին ԱՄՆ պատժամիջոցների «սեւ ցուցակում»՝ կապված ահաբեկչությանն առնչություն ունենալու հետ:
