ԱՄՆ տարածքում կա «Իսլամական պետություն» խմբավորման 71 գրոհային։ Այս մասին գրում է New York Daily News-ը՝ վկայակոչելով JustPasteIt կայքում ենթադրաբար խմբավորման ներկայացուցիչների կողմից տեղակայված ուղերձը։

Ավելի վաղ հայտնի էր դարձել, որ մայիսի 3-ին ԱՄՆ Թեքսաս նահանգում Մուհամմեդ մարգարեի ծաղրանկարների ցուցահանդեսի ժամանակ հրաձգություն է տեղի ունեցել, որի հետեւանքով կրակ բացած 2 տղամարդիկ սպանվել էին։ Ավելի ուշ ԻՊ-ն իր վրա էր վերցրել կատարվածի պատասխանատվությունը, փոխանցում է Gazeta-ն։

Թերթը նշում է, որ սպառնալիքներով ուղերձը հասցեագրված է ցուցահանդեսի կազմակերպիչ, բլոգեր Պամելա Գելլերին։ Նույն այդ ուղերձում ասվում է, որ ԻՊ-ը ԱՄՆ 15 տարբեր նահանգներում ունի 71 վերապատրաստված զինվոր։ Ահաբեկիչները, սակայն, նշել են հինգ նահանգի անուն՝ Վիրջինիա, Մերիլենդ, Իլինոյս, Միչիգան եւ Քալիֆորնիա։

Այս պահին դեռ հայտնի չէ, իրականում այս ուղերձի հեղինակները ԻՊ գրոհայիններն են, թե գրառումը կատարել են նրանց համախոհները։