Ղրղզստանի նոր կառավարությունը վարչապետ Թեմիր Սարիեւի գլխավորությամբ մայիսի 6-ին հանրապետությանը եւ ժողովրդին հավատարմության երդում է տվել։
Ղրղզստանի խորհրդարանը անցյալ շաբաթ ձայների մեծամասնությամբ վստահության քվե էր հայտնել վարչապետի պաշտոնում Սարիեւի նշանակմանը։ Ղրղզստանը խորհրդարանական հանրապետություն է, որտեղ կառավարության կազմն ու կառուցվածքը վարչապետի առաջարկով հաստատում է խորհրդարանը։ Շաբաթ օրը երկրի նախագահ Ալմազբեկ Աթամբաւեը նախորդ վարչապետի հրաժարականից հետո նոր կառավարություն նշանակելու մասին հրաման էր ստորագրել, գրում է «ՌԻԱ Նովոստի»-ն։
Նոր կառավարության աշխատանքային ժամկետը սահմանափակված է 6 ամսով։ Հոկտեմբերին երկրում կկայանան խորհրդարանի նոր գումարման ընտրություններ, որի պատճառով կառավարությունը կցրվի։