Մայիսի 3-ին, ժամը 17.00-ին, Ճանապարհային ոստիկանության օպերատիվ կառավարման կենտրոն հաղորդում էր ստացվել, որ «աջ ազդրի սալջարդ» ախտորոշմամբ հիվանդանոց է դիմել 7-ամյա աղջիկ:
Ոստիկանության մամուլի ծառայությունից հայտնում են, որ երեխայի հայրը հայտնել էր, որ դուստրը բակում վայր է ընկել:
Ոստիկանության ծառայողների ձեռնարկած միջոցառումների շնորհիվ պարզվել է, որ մայիսի 3-ին, ժամը 16.00-ին, «Օպել» մակնիշի ավտոմեքենայի վարորդը Երեւանի Պ. Սեւակի փողոցում վրաերթի է ենթարկել աղջկան:
Վարորդը մայիսի 5-ին ներկայացել է ոստիկանություն եւ տվել բացատրություն:
Կատարվում է քննություն:
