ՀՀ էներգետիկայի եւ բնական պաշարների նախարար Երվանդ Զախարյանը մայիսի 6-ին ընդունել է Հայաստանում Թուրքմենստանի նորանշանակ արտակարգ եւ լիազոր դեսպան Մուհամադ Նիյազ Մաշալովին: Նախարարը շնորհավորել է դեսպանին՝ պաշտոնում նշանակվելու կապակցությամբ ու մաղթել բեղմնավոր եւ արդյունավետ աշխատանք:
Երվանդ Զախարյանն ու Մուհամեդնազի Մաշալովը քննարկել են ինչպես երկկողմ համագործակցության հնարավորություններն ու հեռանկարները, այնպես էլ՝ հայ-թուրքմենական միջկառավարական հանձնաժողովի շրջանակներում ձեռք բերված պայմանավորվածությունները:
Քննարկվել են նաեւ հայ-թուրքմենական միջկառավարական հանձնաժողովի 7-րդ նիստի անցկացման հարցերը:
