ԱՄՆ-ում տղամարդը հետիոտնին վրաերթի ենթարկելու համար պայմանական ազատազրկման էր դատապարտվել, սակայն 2 տարի անց խախտել էր պատիժը, որի համար նրան 20 տարվա ազատազրկման էին դատապարտել։ 1959թ. Օհայոյի բանտ տեղափոխելու ճանապարհին նա դիմել էր փախուստի։
1975թ. Ֆրենկ Ֆրեշուոթերին ձերբակալել էին Արեւմտյան Վիրջինիայի ոստիկանները, սակայն նահանգապետը հրաժարվել էր նրան հանձնել Օհայոյի իշխանություններին։ Դրանից հետո հանցագործը կորել էր իրավապահների աչքից, սակայն շարունակել էր բնակվել ԱՄՆ-ում՝ կեղծ փաստաթղթերով նահանգից նահանգ տեղափոխվելով, գրում է Informing-ը։
Ոստիկանները մի շարք հնարքներ են կիրառել հանցագործին բռնելու համար։ Ստորագրություն վերցնելու պատրվակով նրանք կարողացել էին ստանալ տղամարդու մատնահետքերը եւ համեմատելով դրանք՝ համոզվել էին իրենց իրավացիության մեջ եւ ձերբակալել Ֆրենկ Ֆրեշուոթերին։