ԱՄՆ իշխանություններն իրենց քաղաքացիներին խորհուրդ են տալիս զգույշ լինել Մեքսիկայի Հալիսկո նահանգում, որտեղ նախորդ շաբաթ լուրջ բախումներ են տեղի ունեցել թմրամաֆիայի եւ զորքերի միջեւ, հաղորդում է Mexico Daily News-ը:
ԱՄՆ պետքարտուղարությունը այդ նահանգում ապրող ամերիկացիներին եւ ճանապարհորդներին խորհուրդ է տվել «զգուշություն հանդես բերել նահանգի ողջ տարածքում, հատկապես գյուղական շրջաններում եւ տեղական նշանակության ճանապարհներին», հաղորդում է Gazeta-ն:
Իր հերթին, Մեքսիկայի իշխանությունները նշում են, որ իրավիճակն աստիճանաբար նորմալանում է, թեեւ բոլոր ծառայությունները գտնվում են մարտական պատրաստվածության վիճակում:
Ավելի վաղ հաղորդվել էր, որ թմրամաֆիան Գվադալահարա քաղաքում հրդեհում է բենզալցակայանները, բանկերը եւ այլ հաստատությունները: Նրանք նաեւ մեկ ռազմական ուղղաթիռ են խոցել:
