Թուրքիայի քրդական «Ժողովուրդների դեմոկրատական» (HDP) կուսակցության առաջնորդ Սելահաթին Դեմիրթաշը ստուդիայում մասնակցել է կուսակցության նախընտրական երգի ձայնագրմանը։

Թուրքական Demokrathaber կայքի փոխանցմամբ՝ HDP-ի առաջնորդ Սելահաթին Դեմիրթաշը կուսակցության նախընտրական երգը կատարել է քուրդ հայտնի երգիչ Դիարի հետ։

Քուրդ առաջնորդը ստուդիայում տեղի ունեցած ձայնագրության տեսագրության մի հատվածը տեղադրել է սոցցանցերի իր էջերում։

Նշենք, որ Թուրքիայում հունիսի 7-ին տեղի են ունենալու խորհրդարանական ընտրություններ։