Անգլիացի ֆիզիկոս Սթիվեն Հոքինգը նախազգուշացնում է, որ առաջիկա 100 տարիներին ինտելեկտի առումով համակարգիչներն առաջ կանցնեն մարդկությունից: Աշխարհահռչակ գիտնականը նման հայտարարությամբ է հանդես եկել Լոնդոնում կայացած Zeitgeist-2015 համաժողովի ժամանակ:
Հոքինգի խոսքով, երբ այդ ժամանակը գա, հարկավոր է հավաստիանալ, որ համակարգիչները նույնպիսի նպատակներ ունեն, ինչ մարդկային էակները:
Ավելի վաղ պրոֆեսորը բաց նամակ էր հղել՝ զգուշացնելով, որ արհեստական ինտելեկտի զարգացման գործընթացը չպետք է առանց վերահսկողության թողնել: Ըստ Mignews-ի, գիտնականը նշել է, որ արհեստական ինտելեկտը մեծ ազդեցություն ունի ժամանակակից աշխարհում, այդ պատճառով հարկավոր է առավելագույնս զգուշավոր եւ ուշադիր օգտվել արհեստական ինտելեկտի զարգացումից՝ չկորցնելով վերահսկողությունն այդ ոլորտի վրա: