Էլեկտրաէներգիայի թանկացումը ուղղակի կսպանի հայ արտադրողին։ Այս մասին մայիսի 16-ին լրագրողներին հայտնել է Հայրենական ապրանք արտադրողների միության նախագահ Վազգեն Սաֆարյանը։ «Շատ արտադրություններ ուղղակի կանգ կառնեն։ Չէ՞ որ պատրաստի ապրանքներում էներգակիրների բաժինը ինքնարժեքի 50 տոկոսն է կազմում։ Արտասահմանում մեր ապրանքները ուղղակի ոչ ոք չի գնի»,- ընդգծեց Սաֆարյանը։
Նշենք, որ Ռուսաստանում արդյունաբերական սպառողների համար սակագինը տատանվում է՝ կախված դաշնության սուբյեկտից եւ օգտագործվող հզորությունից։ Համեմատության համար Մոսկվայում 150 կՎտ սպառողի համար սակագինը կազմում է 2.8-3.9 ռուբլի մեկ կՎտ/ժ-ի համար։ Հայաստանում 35 կՎ եւ բարձր լարումով էլեկտրաէներգիա սպառողի համար՝ 28.85-32.85 դրամ։
