Աֆղնաստանի թալիբները երկրի արեւելքում առեւանգել են մի քանի խաղաղ բնակիչների, այդ թվում՝ երեխաների, հաղորդում է տեղական ոստիկանությունը:
Գրոհայինները կանգնեցրել են մեքենաները, խուզարկել, ապա առեւանգել մարդկանց, հայտնում է BBC-ի ռուսական ծառայությունը:
Դեպքը տեղի է ունեցել Պակտիա նահանգի գլխավոր մայրուղիներից մեկի վրա:
«Թալիբան» շարժման ներկայացուցիչը հայտնել է, թե առեւանգվածները պետական պաշտոնյաներ են, որոնք աշխատանքի էին գնում եւ ներկայանում էին որպես սովորական քաղաքացիներ:
