Տյումենում ավարտվել է 23-ամյա Հայաստանի քաղաքացի ոմն Գինոսյանի նկատմամբ հարուցված քրեական գործի հետաքննությունը, ով մեղադրվում է դիտավորյալ առողջությանը վնաս հասցնելու մեջ։ Հետաքննությունը պարզել է, որ հունիսի 20-ին երեկոյան տղամարդն իր ընկերոջ հետ, վերջինիս մեքենայով շրջելիս է Եղել Տյումենի քաղաքի Վատուտինի փողոցով։ Մենժինսկու եւ Վատուտինի փողոցների խաչմերուկում նրանք կռիվ են սկսել «Նիսսան Մարշ» ավտոմեքենայի վարորդի հետ, որը հրաժարվել է նրանց ճանապարհ տալ, իսկ հետո նաեւ ուղեւորի՝ ոստիկանության սպայի հետ, ով փորձել է սթափեցնել երիտասարդներին։
Սակայն հայն ու իր ընկերը չհանգստանալով, շարունակել են գնալ իրենց «նեղացրածների» ավտոմեքենայի հետեւից, որը կանգառել է Վատուտինի փողոցի տներից մեկի հարեւանությամբ, որտեղ եւ բնակվել են նրանք։ Լեզվակռվից հետո հայի ընկերը հարձակվել է վարորդի երիտասարդ աղջկա վրա եւ ոստիկանության սպան փորձել է կանխել հանցագործությունը։ Այդ պահին Գինոսյանը անսպասելիորեն բռունքով հարվածել է տղամարդու երեսին՝ ջարդելով նրա ծնոտը։
Հետաքննությունը հավաքել է բավականաչափ ապացույցներ։ Regions.ru-ի հաղորդմամբ, քրեական գործն արդեն ուղարկվել է դատարան՝ քննության։